Apu tshissenimat tanite etuteniti utauia mak ukauia.
Anite matukapit epit, shashatshitapu, unitau upishakanassina.
— Ninakatikauti, iteu napess, apishish nutikumin.
Eshpish pimuteht nanitam uapameuat aueshisha: amishkua, kakua, atikua, nitshikua, utshashkua, utsheka, uhua, pashpashteua, shesheshua, mak kutaka pineshisha.
Ne napess usham ui pimutakuateu pineshisha, mau, tshekat neshtumu.
— Nimushum, nui pimutakuatauat nipin-pineshishat.
— Mauat, eka shetshen nipaiat pineshishat, ishi-katshessimiku umushuma.
Tshipa tshi ishinakuan tshetshi eka nita nipatatshein.
Kassinu nashipepatananu, utshipitakanua uta, « natshi-nipinetau », inanu.
Eukuannu pishimuat uet mamishkutshipaniht.
