Anite nutshimit auass nakatakanipan, auass ka utikumit.
Apu tshissenimat tanite etuteniti utauia mak ukauia.
Anite matukapit epit, shashatshitapu, unitau upishakanassina.
— Tshekuan ute etutamin itiku Mishtapeua.
— Ninakatikauti, iteu napess, apishish nutikumin.
Katshi nitshinakunat auassa, Mishtapeu ekue tshitutaiat, uiutimeu.
Eshpish pimuteht nanitam uapameuat aueshisha: amishkua, kakua, atikua, nitshikua, utshashkua, utsheka, uhua, pashpashteua, shesheshua, mak kutaka pineshisha.
Ne napess usham ui pimutakuateu pineshisha, mau, tshekat neshtumu.
Tshipa tshi ishinakuan tshetshi eka nita nipatatshein.
Kassinu nashipepatananu, utshipitakanua uta, « natshi-nipinetau », inanu.
