Ka nashipet innu, uapameu nenua papekupenua taukam.
Tshi nipaiati peikᵘ kie ma nishᵘ, tshe pashak uiashinu, tshika naikamᵘ uikuaiatshikunu tshe pitatshet piminu tshetshi mitshiht pimiatshikunu.
Nete nutshimit ututeu nimushum, namesha e uinnuniti ui mueu uin; aueshish shash tshimakateu itakanu.
Mishta-minu-tshishikashu, natuapamakanuat pineshuat, utshishtuna ui mishkakanua.
Tapue, uinuau innuat itenitakushuat ka minuatahk nutshimit.
Mukᵘ ipanat uinuau, aishkat apu tshika ut tshissinuapamikut innu utauassima, aianishkat tshe petuteniti.
Pitshenik tshika shetshishuat tshetshi unitaht utinnu-aitunuau.
Tanite mitshetuau animiu, mitshetuau peikussu.
– Ne ishpimit ka tat, Ka Tipenitak eukuan tshe uitshitakᵘ, eka ui uni-tshissi, nitikuti nana nukum.
– Takuan nitipenitamun nutshimit, eka ui metuatshe, nitikuti nimushum.
