Ka nashipet innu, uapameu nenua papekupenua taukam.
Tshi nipaiati peikᵘ kie ma nishᵘ, tshe pashak uiashinu, tshika naikamᵘ uikuaiatshikunu tshe pitatshet piminu tshetshi mitshiht pimiatshikunu.
Minekashish tshika ishpanuat mitshiminu.
Mishta-minu-tshishikashu, natuapamakanuat pineshuat, utshishtuna ui mishkakanua.
Eukuannu aitipanat nananat nimushuminanat.
Tshipakassiunnan kie tshimeshkanaminan tshinashatenan itakanuat auassat.
– Pitshau anite uetuteiakᵘ, ipan nimushum.
– Ne ishpimit ka tat, Ka Tipenitak eukuan tshe uitshitakᵘ, eka ui uni-tshissi, nitikuti nana nukum.
– Takuan nitipenitamun nutshimit, eka ui metuatshe, nitikuti nimushum.
