Menushkaminiti, eshkᵘ anutshish mitshet innuat nutatshikueuat, tanite atshikua mitshetinua ute uinipekut.
Minekashish tshika ishpanuat mitshiminu.
Tshika tutamᵘ pitama uashuakanashkua, tshe ui nipaiat utshashumekua, tshika apashtau ushkuai-utinu uashuati.
Mishta-minu-tshishikashu, natuapamakanuat pineshuat, utshishtuna ui mishkakanua.
Eukuannu aitipanat nananat nimushuminanat.
Mukᵘ ipanat uinuau, aishkat apu tshika ut tshissinuapamikut innu utauassima, aianishkat tshe petuteniti.
– Ne ishpimit ka tat, Ka Tipenitak eukuan tshe uitshitakᵘ, eka ui uni-tshissi, nitikuti nana nukum.
– Takuan nitipenitamun nutshimit, eka ui metuatshe, nitikuti nimushum.
Nin, nitati mashten ka uapamak: « Tshe nakatamuin tshitshissenitamun, nika shaputuepan nin tshitatusseun. »
Minuenitamᵘ nenu ka itak, ui ashteieshkushiu.
