Napess etati, e auassiut, uitsheueu utauia, tshituteu kie uin.
Uenit ma tshetshishepaushinit minu-tshishikanu, nika tshituten itenitamᵘ, tanite nasht apu shapishit.
Shash patetat-tatutshishikua eshpish eka mitshishut, natamikᵘ ishinamᵘ, apu matenitak uiau, akushu ussishikua kie shash apu tshikanak.
Nenua ukussa tshitapameu, eshkᵘ minu-aiatshinua, tshitimatshenimeu.
Nanipauat nete pessish shipit, ashuapameuat aueshisha.
Natuenitamueu Tshishe-Manitua tshetshi uitshikut kie tshetshi minikut shutshishiunnu.
– Eukuan mashten tshe ui passitsheian itenitamᵘ ashit pitatsheu upassikan.
Tapue ma, peikuau passitsheu ekue nipaiat.
Ukussa tshitapameu, minuenitamᵘ tshe inniuht eshkᵘ minekash.
