Ueshkat innuat inniuipanat nutshimit.
Iamekateu utshishkuema ekue tshitutet.
Napess etati, e auassiut, uitsheueu utauia, tshituteu kie uin.
Peikuau ma anite, innuat shiuenuat, apu nipaiaht aueshisha.
Shash patetat-tatutshishikua eshpish eka mitshishut, natamikᵘ ishinamᵘ, apu matenitak uiau, akushu ussishikua kie shash apu tshikanak.
Shetshishu nenu tshetshi tshek pamitatshimut.
Nenua ukussa tshitapameu, eshkᵘ minu-aiatshinua, tshitimatshenimeu.
Nanipauat nete pessish shipit, ashuapameuat aueshisha.
Eukuannu tshe ui ushkuit, shetshishu shash uieshimiku nenu eka matshishut.
– Eukuan mashten tshe ui passitsheian itenitamᵘ ashit pitatsheu upassikan.
