Eukuannu umenu nikaui Tenesh utipatshimun nete ka aitiht ueshkat nutshimit.
E auassiut, eshkᵘ kushpipan ashit uikanisha.
Nanatuapameuat aueshisha.
Kassinu etashiht natauat, ishkueuat ashit.
Tshekᵘ ma eshpish taht, matenitamuat nete pemuteht ekue uapamaht auenua, mishta-shetshishuat.
Minekash tshitapameuat, mishta-minunueuat mak ui kushtashinueuat, tanite mishta-mishanua ussishikua ne aueshish.
Tshika minuenitaminua kutaka innua uitamuataui.
Ekue tshiueht kanapua, natshi-uitamuat tshekuannu ka uapatahk.
Miam ui tshitutenua utauia, ui kuapitshenua.
Uatamuakanit etaniti nenua atikua, nasht uni-tshissitutamᵘ nipinu ka ui natak ekue utshipitak passikannu ne tshishennu, shaputue shekashkupatuau.
