E auassiut, eshkᵘ kushpipan ashit uikanisha.
Meshikaht nete tshe uitshiht, Tenesh iamekateu ukauia, ui tshituteu.
Nanatuapameuat aueshisha.
– Nanipauat nete atikuat! Iteu ushima.
Ekue kashuht, kushteuat tshetshi uapamikuht.
Minekash tshitapameuat, mishta-minunueuat mak ui kushtashinueuat, tanite mishta-mishanua ussishikua ne aueshish.
Ekue tshiueht kanapua, natshi-uitamuat tshekuannu ka uapatahk.
Uatamuakanit etaniti nenua atikua, nasht uni-tshissitutamᵘ nipinu ka ui natak ekue utshipitak passikannu ne tshishennu, shaputue shekashkupatuau.
– Enuet ma peikᵘ mukᵘ miniti Tshishe-Manitu itenitamᵘ.
