Tshekuan ua minin? Kapi, nipishapui? Ma tshui mitshin tshekuan?

Kapi mukᵘ tshiam nipa minashapan pitama. Shiueniani nika natueniten tshekuan.

Miam a tshin? Tshimishta-atussen a?

Nanitam, apu nita shukᵘ punian. Nanitam ne tshekuan ka-takuanua tshetshi tutaman.

Eukuan utin eshinakuak, auassat kenuenimataui anu mishau atushkan.

Shash a tshin tshitshi kushpin euassiuin?

Nimitshetitan kie ninan kueshpiati. Nimushum mak nukum anite tapanat. Nimishta-minuatatiat anitshenat, mitshet tshekuannu nitshishkutamakutiat.

Nitshissituten ashit, nitshitapamati nimushum etusseti pessish patshuianitshuapit. Utanapia uaueshieu, tashkaimiteu. Minuatamupanat anite etataui nutshimit.

Ne kanapua uet kukuetshimitan, nui kushpinan takuatshiki, auassat nui tshitutananat. Tshetshi kanapua nishtuapatahk ka ishinniunanunit ueshkat.

Eukuan ma kie tshika minuatamuat. Minupaniti kie ninan, eukuan tshe tutamat.