Tshekuan ua minin? Kapi, nipishiapui? Ma tshui mitshin tshekuan?

Kapi mukᵘ tshiam nipa minashapan pitama. Shiueniani nika natueniten tshekuan.

Miam a tshin? Tshimishta-atussen a?

Nanitam, apu nita shukᵘ punian. Nanitam ne tshekuan ka takuanua tshetshi tutaman.

Eukuan utin eshinakuak, auassat kenuenimataui anu mishau atushkan.

Shash a tshin tshitshi kushpin euassiuin?

Eshe, nikanishat nuitsheuatiat. Nishtesh, nimishat kie nishimat ashit tapanat.

Nimitshetitan kie ninan kueshpiati. Nimushum mak nukum anite tapanat. Nimishta-minuatatiat anitshenat, mitshet tshekuannu nitshishkutamakutiat.

Ma nita tshitshishkutamakaun tshetshi tutaman pashteu-uiash?

Eshe! Animan ushkat tshetshi eka natamikᵘ itishaman tshia?

Nukum an nitshishkutamakuti tsheshi tutuak kaianauakauakanit. Pitama nimushum tutamupan kutuannu ekue tshishautshishauet.

Ekᵘ ninan, nukum mak nishimat, ninatshi-mamushatshinetan mita, akuaunissitakua.

Nitshissituten ashit, nitshitapamati nimushum etusseti pessish patshuianitshuapit. Utanapia uaueshieu, tashkaimiteu. Minuatamupanat anite etataui nutshimit.

Eka tapue! Ekute innu nanitam inniuipan, ekute pakassiuipan, ekute minashkuat nanitam tapan.

Ne kanapua uet kukuetshimitan, nui kushpinan takuatshiki, auassat nui tshitutananat. Tshetshi kanapua nishtuapatahk ka ishinniunanunit ueshkat.

Eukuan ma kie tshika minuatamuat. Minupaniti kie ninan, eukuan tshe tutamat.

Eshe! Nipakuenitenan!